Полска го блокираше увозот на јаглен од Русија „Ќе наметнеме казни за секоја компанија што ќе го прекрши ова“

Полската влада во вторникот одлучи да го блокира увозот на јаглен од Русија, како дел од стратегијата за намалување на енергетската зависност од Русија, која ја врати својата итност по руската инвазија на Украина.

Полска ќе воведе финансиски казни за секоја приватна компанија што увезува руски јаглен во Полска, додека полските цариници ќе вршат проверки – изјави владиниот портпарол Пјотр Милер при објавувањето на новата политика.

Тој додаде дека Полска повеќе не може да чека целосната 27-члена Европска унија да ја прифати таа политика.

По руската инвазија на Украина, ЕУ, САД и некои други сили воведоа економски санкции кон Русија.

Меѓутоа, Европа, која традиционално е зависна од руската енергија – првенствено од нафтата и гасот, но донекаде и од јагленот, се соочи со проблеми додека се лиши од руската енергија.