Повеќето вработени добиваат бонус: 2.671 евро во просек, најмалку за градежните работници

Повеќе од три четвртини (77,9 отсто) од вработените во Германија добиле бонус поради инфлација од октомври 2022 година или ќе го добијат до крајот на годината, објави Сојузниот завод за статистика.

Плаќањата се без даноци и придонеси.

Просечниот износ е 2.761 евро, но разликите меѓу бонусите на вработените во зависност од секторот во кој работат се значителни.

Најмалку надоместоци добивале градежните работници со просечни 1.104 евра, а вработените во земјоделството, шумарството и рибарството 1.689 евра.

Најдобро поминале вработените во јавната администрација со просечни 3.000 евра, а наставниците и универзитетските работници со едно евро помалку. Нешто помали бонуси добија уметници, вработени од областа на забавата и рекреацијата, водоводот, канализацијата и депонирањето отпад.

Всушност, работниците во индустријата, водоводите, канализациите и компаниите за отпад главно имаа најголема корист од бонусите, бидејќи ги добија околу 96 отсто од вработените во тие сектори.

Германската влада пропиша бонуси до 3.000 евра за да го ублажи влијанието на енергетската криза и привремените скокови на цените врз стандардот на вработените. Во зависност од колективниот договор, парите може да се платат одеднаш или на рати.

Можеби ќе ве интересира...

Грција ја укина туристичката такса и воведе нова такса што ќе треба да ја плаќаат сите туристи: Што се менува од годинава

BiznisPRO

Ново покачување на минималната плата: Еве колку ќе изнесува од март 2024 година

BiznisPRO

Добра вест: Поевтинува дизелот, ова се новите цени на горивата

BiznisPRO