Египетскиот претседател Абдел Фатах ал-Сиси денеска изјави дека приходите од Суецкиот канал се намалени за половина оваа година поради влијанието на нападите на Хутите врз поморството.
Зборувајќи за ефектот од војната меѓу Израел и Хамас и другите прекугранични несогласувања што ги предизвика конфликтот, Ал Сиси рече дека „суецкиот канал, кој му носеше на Египет речиси 10 милијарди годишно“, сега е намален приход за 40 до 50 проценти и Египет мора да продолжи да ги исполнува своите финансиски обврски со „компаниите и партнерите“, пренесува Teletrader.
Тој зборуваше за тоа за време на конференцијата со нафтените компании на египетскиот енергетски саем (EGYPES) 2024 година, кој се одржува во Каиро и ќе трае до среда.