Цените на нафтата денеска се лизнаа под 82 долари на меѓународните пазари, бидејќи трговците стравуваат од продлабочување на кризата во кинескиот сектор на недвижности и слабеење на побарувачката за нафта во најголемиот светски потрошувач.
На лондонскиот пазар по пладне цената на барелот за испорака во март беше за 52 центи пониска од вчерашното затворање на трговијата и изнесуваше 81,88 долари. Вчера ја затвори трговијата со загуба од 1,15 долари. Во Лондон денеска поактивно се тргуваа со барели за испорака во април, по цена за 50 центи пониска, на 81,33 долари.
На американскиот пазар цената на барелот се намали за 29 центи, на 76,49 долари. Вчера го заврши тргувањето со загуба од 1,23 долари.