Илјадници луксузни автомобили на германските марки „Ауди“ и „Порше“ се запрени пред пристаништата во САД поради царинска проверка на делови од кинеско производство.
Двете марки припаѓаат на германскиот автомобилски гигант Фолксваген и вклучуваат делови направени од неговите добавувачи во Кина, вклучително и провинцијата Ксинџијанг, која американските власти ја обвинуваат за наводно кршење на правата на ујгурското малцинство.
Проблемот е малата кинеска електронска компонента во контролната единица, која ќе биде заменета веднаш штом се достапни потребните делови, велат од Volkswagen.
Според германскиот деловен весник „Ханделсблат“, оваа „проблематична“ компонента е вградена во 13.000 нови автомобили на марките „Ауди“ и „Порше“, и на британската луксузна марка „Бентли“.
„Фајненшл тајмс“ објави дека компонентата е произведена во западна Кина и не може да се користи во САД поради прописите за „не принудна работа“.
Од „Фолксваген“ се правдаат дека не знаеле каде е произведена компонентата, бидејќи добавувачот ја вградил во поголема компонента.
Медиумите заклучуваат дека сето тоа се случува како дел од трговската војна на САД против Кина.