Русија го изненади ММФ

Растот на руската економија го „изненади“ Меѓународниот монетарен фонд (ММФ), со оглед на санкциите воведени кон Москва поради војната во Украина.

Во јануари ММФ прогнозираше дека руската економија ќе порасне за 2,6 отсто оваа година поради големите воени и лични трошоци, поддржани од зголемувањето на платите. Минатиот октомври тие очекуваа раст со стапка од 1,1 отсто во 2024 година, што сега го предвидуваат во 2025 година.

„Тоа е воена економија. Голем дел од руската економија се воени трошоци, што го стимулира производството“, рече Џули Козак, директор за комуникации во ММФ, во четвртокот во Вашингтон, пренесува Seebiz.

На потрошувачката помагаат и значителни социјални трансфери, додаде Џули Козак, предупредувајќи на знаци на „прегревање“ на економијата, како што е зајакнувањето на инфлацијата.

Во среднорочна перспектива, растот треба да забави, имајќи го предвид исклучувањето на Русија од меѓународниот финансиски систем, ограничениот пристап до технологијата и губењето на дел од висококвалификуваната работна сила, вели тој.

Сите овие фактори значително ќе влијаат на растот и перспективите на економијата на среден рок, заклучи претставникот на ММФ.

Можеби ќе ве интересира...

Руската влада уверува дека нема причина за паника, но граѓаните се пречекуваат со празни полици

BiznisPRO

Португалија ќе ги оданочува криптовалутите со стапка од 28 проценти

BiznisPRO

Германија ги дели најголемите субвенции во историјата – И до 20.000 евра по домаќинство

BiznisPRO