Секој петти работник во Хрватска е вработен на привремена основа, објави „Вечерњи лист“, додавајќи дека вкупниот број на овие работници на крајот на октомври изнесувал 339.000.
Странските работници во Хрватска се најзастапени во оваа група, кои главно добиваат договор на определено време.
Вкупниот број на привремено вработени се уште е висок, но во исто време е помал за пет отсто во однос на рекордите од 2017 и 2018 година, кога секој четврти вработен во Хрватска работел без договор на неопределено време.
Помалиот број на вработени со краткорочни договори е последица на недостигот на работна сила и новите прописи кои стапија на сила во Хрватска на крајот од пред минатата година.
Хрватската влада потоа го ограничи бројот на последователни договори за вработување на определено време на најмногу три и воведе други мерки за да ги мотивира работодавците да им понудат на работниците постојано вработување.