Се очекува напредок во преговорите Украина-Русија: Еврото зајакнува во однос на доларот, индексот на доларот паѓа

Еврото расте денеска, поттикнато од надежта на трговците со валути дека ќе се постигне напредок во мировните преговори меѓу Украина и Русија, иако скокот на бројот на случаи во Кина го намали апетитот на инвеститорите да инвестираат во поризични средства.

На берзите со нетрпение се очекуваат денешните разговори меѓу украинските и руските преговарачи за ублажување на кризата, откако преговорите завршија во понеделникот преку видео врска без најавениот нов напредок.

Еврото се зголеми за 0,55 отсто во однос на доларот на 1,0999 долари.

Единствената валута неодамна забележа големи загуби под притисокот на далеку поголемата зависност на еврозоната од руската енергија во споредба со другите региони.

Индексот на доларот, кој ја мери вредноста на американската валута во однос на главните конкуренти, падна за 0,3 отсто на 98.808 поени.

Се очекува Федералните резерви на САД (ФЕД) да ги подигнат клучните каматни стапки за прв пат од почетокот на пандемијата на дводневната сесија што завршува утре, при што трговците сакаат да навестат за темпото на идните референтни зголемувања на каматните стапки.

Аналитичарите предвидуваат потенцијална промена на цената во корист на американската валута доколку ФЕД заземе поагресивен став кон монетарната политика на седницата од очекуваното.

Кинескиот јуан денеска поевтини во однос на доларот на 6,3999 јуани, откако во текот на ноќта го достигна најниското ниво од октомври 2021 година од 6,4095.

Кина извести дека забележала ненадеен скок на бројот на новозаразени со ковид-19, кој е повеќе од двојно зголемен во споредба со понеделникот, поради што е воведена забрана за патување во јужниот регион Шенжен, кој е технолошки центар на таа земја. .

Можеби ќе ве интересира...

ЛЕКЦИЈА НА БИЛ ГЕЈТС: Испрати моќна порака до сите менаџери во две реченици

BiznisPRO

Борбата против инфлацијата продолжува: Волстрит падна по последната седница на ФЕД

BiznisPRO

Рецесија на повидок: Г7 не прифаќа рубљи, Путин на потег

BiznisPRO