Годинешниот добитник на престижната титула „Личност на годината“ на американскиот магазин TIME е Илон Маск.
Секоја година, од 1927 година, еден од најпознатите американски магазини објавува која е „Личност на годината“ во декември.
Илон Рив Маск е јужноафрикански претприемач и инженер. Тој е основач, директор и главен инженер/дизајнер на компанијата „Space Ex“, ко-основач, директор и дизајнер на производи во Tesla, ко-основач и директор на Neuralink и ко-основач на PayPal.
Личноста на годината ја избира главниот уредник на овој неделник, а критериумите ги дефинираше првиот издавач Хенри Лук.
Се избира личност или личности кои повеќе од другите влијаеле на вестите и нашите животи, без разлика дали во добра или лоша смисла.
До 1999 година, титулата официјално беше наречена „Маж на годината“ или „Жена на годината“.