Цените на нафтата се задржаа под 84 долари бидејќи слабата вработеност во Соединетите Американски Држави (САД) ја поттикна загриженоста за побарувачката, неутрализирајќи ги сигналите од главните производители дека може да ја намалат понудата во втората половина од годината, таа беше речиси непроменета во однос на затворањето на претходната трговија 83,84 долари.
Позначителни промени немаше ниту на американскиот пазар, каде барел за испорака во јуни се тргува по 79,01 долари.
Трговците беа загрижени оваа недела од пораките од американската централна банка, Федералните резерви (ФЕД), дека може да го одложат намалувањето на каматните стапки поради тврдоглаво високата инфлација.
Се стравува дека зголемените трошоци за задолжување на подолг временски период би можеле да го забават растот на активноста во САД, но и во други делови од светот, што би можело да ја намали побарувачката за енергетски производи.
– Сметаме дека распродажбите во изминатите два дена се колатерална штета од ценовните корекции на шпекулациите за одлуките на ФЕД и не се поврзани со основните фактори на понудата и побарувачката – пишуваат во белешката аналитичарите на JP Morgan.
Цените беа поддржани од индикации дека Организацијата на земјите извознички на нафта (ОПЕК) и нејзините сојузници би можеле да ја намалат понудата во втората половина од годината доколку побарувачката не се зголеми, според три извори. Моментално го намалуваат за 2,2 милиони барели дневно.
„ЈП Морган“ проценува дека ОПЕК може да продолжи да ја ограничува понудата, шпекулирајќи дека можеби се загрижени од порастот на залихите во април, што е невообичаено за овој период од годината.
Групацијата ќе ја разгледа производната политика на состанокот закажан за 1 јуни.
ПОПУЛАРНО НА ИНТЕРНЕТ...