Цените на нафтата на глобалните пазари бележат пад трета недела по ред, бидејќи инвеститорите стравуваат од намалена побарувачка поради забавувањето на економскиот раст во водечките светски економии и зголемените трговски тензии.
На лондонскиот пазар, цената на барел нафта минатата недела се намали за 3,8% и изнесуваше 70,36 долари, додека на американскиот пазар барелот поевтини за 3,9%, достигнувајќи 67,04 долари.
Главната причина за континуираниот пад на цените е неизвесноста во однос на трговската политика на американскиот претседател Доналд Трамп, која создава дополнителен притисок врз пазарите и ја зголемува загриженоста за глобалната економска стабилност.