Цената на нафтата на светскиот пазар денеска порасна бидејќи ослободувањето на стратешките резерви на различни земји не успеа да ги ублажи стравувањата од последиците од конфликтот во Украина и немањето нуклеарен договор со Иран.
Во Лондон цената на суровата нафта од типот Брент од Северното Море порасна за 3,19 долари и сега изнесува 107,50 долари за барел.
Во Њујорк цената на лесната сурова нафта е повисока за 3,46 долари и изнесува 102,73 долари за барел. И двата вида нафта претходно паднаа за повеќе од еден долар за барел.
Конфликтот во Украина ја зголеми загриженоста за снабдување во време кога цените на енергијата веќе беа високи.
– Ослободувањето на барели од стратешките резерви не ја пополни празнината предизвикана од санкциите воведени кон Русија – изјави пазарниот аналитичар од компанијата „ПВМ“ Стивен Бренол.