Исплатата на повратот преку апликацијата „Мој ДДВ“ официјално започна, а граѓаните веќе пријавуваат дека средствата им се појавуваат на трансакциските сметки, пишува Centar.mk.
Ова е редовниот поврат за последниот пресметковен период (јули,авгус,септември), кој Министерството за финансии и Управата за јавни приходи го префрлаат на сите граѓани кои редовно ги скенираат фискалните сметки.
Според Законот исплатата треба да биде финиширана до 30ти ноември.
Доколку сè уште не ви легнале парите, препорачливо е да ги проверите и податоците во апликацијата за вашата трансакциска сметка.
Корисниците кои редовно скенираат фискални сметки преку апликацијата веќе известуваат дека добиле нотификации од банките. Повратот варира во зависност од сумата на скенирани сметки и максимално може да се оствари поврат од 2100 денари за тромесечие по лице.
Граѓаните повторно ги поздравуваат овие исплати, потсетувајќи дека „Мој ДДВ“ останува една од ретките мерки која директно враќа пари кај населението, наведува Centar.mk.
ПОПУЛАРНО НА ИНТЕРНЕТ...