Управа за јавни приходи одржа работна средба со членки на Американска стопанска комора во Северна Македонија (AmCham North Macedonia), претставници на бизнис заедницата, посветена на проектот „е-Фактура“ – системско решение за електронско фактурирање кое има за цел поголема ефикасност, транспарентност и усогласеност со даночните процеси.
Во отворена и конструктивна дискусија, компаниите имаа можност да се запознаат со функционалностите и придобивките од системот, како и да ги споделат своите предлози и согледувања. Беше истакната заедничката определба за партнерска соработка, активно вклучување на бизнис заедницата во понатамошниот развој и тестирање на системот, како и заедничко градење современи и функционални дигитални решенија.
Посебен акцент беше ставен на значењето на континуираната комуникација и соработка меѓу институциите и приватниот сектор како клучен предуслов за успешна дигитална трансформација и унапредување на услугите за даночните обврзници. Во таа насока, беше потврдена заедничката заложба за натамошно продлабочување на соработката и развој на ефикасен, модерен и одржлив систем во интерес на бизнис заедницата и државата.
фото ujp.gov.mk
ПОПУЛАРНО НА ИНТЕРНЕТ...