Веројатно во јуни: Европската централна банка најавува НАМАЛУВАЊЕ НА КАМАТИТЕ

Членот на Управниот совет на Европската централна банка (ЕЦБ) Пабло Хернандез де Кос рече дека очекува намалување на каматните стапки во јуни доколку инфлацијата продолжи да се намалува со сегашното темпо.

Минатонеделната објава дека ја исполнивме нашата цел да ја доведеме инфлацијата на 2 отсто е компатибилна со намалување на каматните стапки наскоро, што веројатно би можело да се случи во јуни, рече Хернандез де Кос, кој е и гувернер на Банката на Шпанија.

Потоа, може да дојде до првото намалување на стапката, доколку главните прогнози продолжат да ги исполнуваат целите во наредните месеци, рече тој во интервју за магазинот „Ел Периодико“.

Претходно беше најавено дека ЕЦБ би можела да го направи првото намалување на каматните стапки во текот на летото, откако ќе се уверат дека инфлацијата одржливо се враќа на целта од 2 отсто. Претседателката на ЕЦБ, Кристин Лагард, претходно овој месец изјави дека има дефинитивно забавување на потрошувачките цени, но таа не е доволно сигурна да објави монетарно олеснување.

Останатите членови на Управниот совет на ЕЦБ се почесто ја споменуваат можноста за намалување на каматните стапки, а еден од нив Јанис Стурнарас сака дури две намалувања пред редовната годишна пауза во август.

Можеби ќе ве интересира...

На вага пред полетување Авиокомпаниите се заинтересирани за тоа колку се тешки патниците

BiznisPRO

Каков потег на Италија: Ќе се чешлаат и постови на социјалните мрежи во борбата ПРОТИВ ДАНОЧНОTO ЗАТАЈУВАЊЕ!

BiznisPRO

САД ѝ продаваат авиони и опрема на Бугарија; Вредноста на зделката е 1,6 милијарди долари

BiznisPRO