Во Австрија паѓа инфлацијата

Годишната стапка на инфлација во Австрија во февруари падна од јануарските 4,6 на 4,3 отсто, во согласност со претходната прелиминарна проценка, објави денеска австрискиот статистички институт Статистик Австрија.

Цените на храната и на безалкохолните пијалоци се зголемени за 3,7 отсто на годишно ниво, на рестораните и хотелите за 8,3 отсто, на услугите во рекреација и култура за пет отсто, а во сите наведени случаи растот е побавен од јануари.

Спротивно на тоа, цените на транспортот во Австрија се зголемија за 1,2 отсто на годишно ниво, со побрзо темпо во споредба со јануариските 0,3 отсто.

Цените на комуналните услуги се зголемија за 4,2 отсто на годишно ниво, со исто темпо како и во јануари.

На месечно ниво, цените во Австрија во февруари пораснале за 0,7 отсто.

Можеби ќе ве интересира...

Мајкрософт им ги намали платите на газдите: Погледнете колку се „ниски“ сега

BiznisPRO

Германците се вртат кон алтернативни системи, сè повеќе користат дрва за загревање на своите домови

BiznisPRO

Во изградба е најголемиот соларен парк на Балканот

BiznisPRO