Стапката на невработеност во еврозоната во декември изнесуваше 6,4 отсто, исто како и во ноември, што значи дека остана на рекордно ниско ниво, објави Евростат.
Невработеноста во Европската унија изнесува 5,9 отсто и исто така не се промени во однос на ноември.
Евростат проценува дека во декември во Европската унија биле невработени 12.936 милиони луѓе, од кои 10.909 милиони биле во еврозоната.
Невработеноста во еврозоната е намалена за 17.000 во споредба со ноември.
Во декември Шпанија забележа висока невработеност од 11,7 отсто, Грција 9,2 отсто, Франција 7,3 отсто, а ниска стапка на невработеност од 2,4 отсто е регистрирана на Малта, додека во Чешка таа изнесува 2,8 отсто.
Статистиката покажува дека бројот на невработени е намален за 299.000 во Европската унија и за 369.000 во еврозоната во однос на декември 2022 година.