Компанијата LinkedIn денеска објави дека отпушта стотици вработени, кои сочинуваат околу 3 отсто од нејзината работна сила.
Укинувањето на работните места следи по повеќе од 700 отпуштања од онлајн бизнис мрежата објавени во мај, како и илјадници други отпуштања оваа година во матичната компанија Мајкрософт, која ја купи онлајн платформата за професионални мрежи во 2016 година за 26 милијарди долари.
– Годишниот приход на LinkedIn надмина 15 милијарди долари за прв пат во фискалната година која заврши во јуни – се наведува во соопштението.
Платформата, со седиште во Санивејл, Калифорнија, заработува од реклами и од корисници кои плаќаат за премиум услуги.
LinkedIn вели дека има околу 19.500 вработени.