Цените на нафтата на светскиот пазар денеска паѓаат во пресрет на состанокот на ОПЕК и нивните сојузници на кој се очекува да се постигне договор за продолжување на дневните лимити за производство во следната година.
Во Лондон цената на суровата нафта „брент“ од Северното Море е пониска за 37 центи или 0,4 отсто и сега изнесува 80,21 долар за барел.
Во Њујорк цената на лесната сурова нафта падна за 29 центи или 9,4 отсто, на 75,25 долари за барел.
Цените паѓаат од средината на неделата кога ОПЕК и неговите сојузници го одложија состанокот до 30 ноември за да се решат деталите за спорот со африканските производители.
Оттогаш, картелот се приближи до компромис, а изворите на крајот на неделата рекоа дека ќе бараат посилно намалување на дневното производство.
Аналитичарите изразија очекување дека Саудиска Арабија ќе продолжи со доброволното намалување на дневното производство на нафта следната година и дека Русија ќе го стори истото.