Скопскиот регион учествува со 45.9 % во бруто-домашниот производ, а Североисточниот Регион со 4.5 %

Во 2023 година, најголемо учество во бруто-домашниот производ на Република Северна Македонија има Скопскиот Регион со 45.9 %, додека најмало учество има Североисточниот Регион со 4.5 %, информира Државниот завод за статистика.

Поголем бруто-домашен производ по жител, во споредба со просекот на Република Северна Македонија, имаат Скопскиот Регион со индекс 138.2 и Југоисточниот Регион со индекс 111.6. Сите други региони имаат бруто-домашен производ под просекот на Република Северна Македонија.

Во 2023 година, најголемо учество во бруто-инвестициите во основни средства има Скопскиот Регион со 53.2 %.

Главни поенти
Со 16.8 %, Пелагонискиот Регион има најголем пораст на бруто-домашниот производ во однос на 2022 гдина.
Со 107.6 %, Полошкиот Регион има најголем пораст на бруто-инвестициите во основни средства во однос на 2022 година.