Поради споменатите напади времето на испорака на стоки од Азија во Европа е продолжено за 10 до 15 дена, додаде Џентилони, пренесува Еурактив.
Тој очекува дека наглото зголемување на цените на транспортот ќе изврши одреден притисок врз инфлацијата во Европската унија.
– Јасно е дека натамошните прекини може да предизвикаат нови тесни грла во снабдувањето што би го намалиле производството и би ги зголемиле цените, смета еврокомесарот.
Џентилони, сепак, посочи дека во Европската унија и во еврозоната „се уште има услови за економско закрепнување“ и дека цените на енергијата сега се многу пониски од порано.