Директорите и членовите на одборите во компаниите на Илон Маск се загрижени за неговата употреба на дрога, објави Волстрит журнал.
Според извори запознаени со ситуацијата, тие се загрижени бидејќи неговата навика да користи дрога „може да има сериозни последици за неговото здравје, но и за шесте компании и милијарди средства со кои управува“, пренесува Teletrader.
Неименувани извори изјавија за WSJ дека Маск користел кокаин, екстази и психоделични печурки на приватни настани, пушел марихуана на јавно место и дека имал рецепт за кетамин.
Неименувани луѓе блиски до милијардерот велат дека „неговата навика за дроги продолжува, особено кетаминот, и се загрижени дека тоа може да доведе до здравствена криза“.