Годишната стапка на инфлација во Велика Британија се искачи на четири отсто во декември од ноемвриските 3,9 отсто, а ова е прво зголемување на стапката на инфлација по 10 месеци, објави денеска британската канцеларија за национална статистика ONS.
Главен фактор за растот на инфлацијата е скокот на цените на алкохолот и тутунот, кои на годишно ниво пораснаа за 12,9 отсто, забрзувајќи од ноемвриските 10,2 отсто.
Храната поскапе за 6,4 отсто, мебелот и покуќнината за 2,5 отсто, а цените во секторот за комуникации скокнаа за 8,5 отсто, објави веб-страницата на ОНС.
На месечна основа, британската инфлација во декември порасна за 0,4 отсто.
Годишната стапка на базичната инфлација во Велика Британија изнесува 5,1 отсто, што е на исто ниво како и во ноември.