Веб-страницата за онлајн резервации за патувања „Кајак“ вели дека забележала огромен пораст во една од функциите за пребарување на летови: филтер што им овозможува на корисниците да вклучат или исклучат одредени модели на авиони од нивното пребарување – вклучително и Боинг 737.
Пребарувачот за патувања, каде што клиентите исто така можат да резервираат хотели и да изнајмат автомобили, забележа пораст од 15 отсто во користењето на филтерот за авионите 737 Max, по инцидентот на 5 јануари кога вратата на авионот на Алјаска ерлајнс падна на сред лет.
Истрагата на владата за Боинг по летот на Алјаска ерлајнс е во тек..
– Кајак го нуди филтерот од 2019 година, но по зголемената употреба, го помести филтерот за да биде повидлив за патниците кога бараат лет – изјави портпаролот на оваа компанија.
Компанијата, исто така, додаде можност за филтрирање на 737 модели на авиони Max 8 и Max 9.