Во Соединетите Американски Држави инфлацијата во јануари е повисока од очекуваната, покажуваат најновите официјални податоци.
Растот на цените во изминатиот месец, мора да се признае, продолжи со надолната траекторија од врвовите во 2022 и 2023 година, кои не беа забележани во последните четири децении. Јануарската инфлација во САД изнесуваше 3,1 отсто.
Сепак, економските аналитичари се надеваа дека таа ќе биде на ниво од околу 2,9 отсто.
Последните податоци предизвикаа распродажба на акциите на Волстрит непосредно пред официјалниот почеток на трговскиот ден. Берзите достигнаа рекордно ниво во последниве недели бидејќи инвеститорите станаа посигурни за ублажување на инфлацијата и некои од најголемите американски компании објавија веќе силни квартални резултати.
И покрај тоа што инфлацијата драстично падна откако достигна врв над девет проценти во јуни 2022 година, многу Американци сè уште го чувствуваат притисокот од високите цени.
Таканаречениот индекс на основна инфлација, кој ги отстранува нестабилните цени на храната и енергијата, внимателно се следи бидејќи има тенденција да обезбеди подобра индикација за патеката на инфлацијата. Порасна на месечно ниво, од 0,3 отсто на 0,4 отсто, а статистичарите наведуваат дека причина за тоа е поскапувањето на сместувањето и осигурувањето во изминатиот период.