Русите би можеле да останат без банани.
Имено, Олег Книјазков, раководител на експертскиот центар за индустрија во Роселхознадзор, руското надзорно тело за заштита на потрошувачите, за весникот Газета изјави дека за еден месец ќе има недостиг на банани во целата земја.
На Русите им се советуваше да одгледуваат свои банани бидејќи се соочуваат со недостиг на овошје, сето тоа откако рускиот претседател Владимир Путин го забрани нивниот увоз од Еквадор поради конфликт околу испораката на оружје.
Еквадор е најголемиот снабдувач на овошје во Русија, пишува Newsweek.
Книјазков додаде дека тоа ќе биде привремен недостиг, бидејќи веќе е воспоставен делумен увоз на банани од Индија, истакнувајќи дека се уште има логистички тешкотии.
На 2 февруари Путин го суспендираше увозот на банани од пет еквадорски компании, велејќи дека одлуката е донесена поради откривање на штетници во пратките на овошјето.
Неколку недели претходно, Еквадор ја прифати американската понуда за размена на воена опрема од советската ера за модерно американско оружје во договор вреден 200 милиони долари.
САД соопштија дека еквадорската опрема од советската ера ќе биде испратена во Украина.
Овој потег го осуди портпаролката на руското Министерство за надворешни работи, Марија Захарова, велејќи дека Еквадор донел „непромислена одлука под сериозен притисок од надворешни чинители“.
„Ако зборуваме за „стариот метал“, како што го нарекуваат во Еквадор, малку е веројатно дека Вашингтон би понудил модерна опрема како замена, и тоа за прилично импресивна сума“, рече таа.
Русија увезува 90 отсто од бананите од Еквадор, објавија локалните медиуми. Државната новинска агенција РИА Новости објави дека забраната може да предизвика Еквадор да губи до 754 милиони долари годишно.
како што се потсетува, за време на прес-конференција во декември, Путин се извини за скокот на цените на јајцата на рускиот пазар, објаснувајќи дека тоа е последица на недоволниот увоз и зголемената побарувачка.
Жал ми е за овој проблем, ова е назадување во работата на владата, ветувам дека ситуацијата ќе се подобри во блиска иднина, рече Путин.