Минатата година Шпанија произведе повеќе од 50 отсто од електричната енергија од обновливи извори, што претставува историски рекорд, објави шпанскиот национален оператор за електрична енергија Red Elektrika Española (REE).
Во соопштението се прецизира дека Шпанија минатата година добила најмногу електрична енергија од енергијата на ветерот, објавено е на веб-страницата REE.
Шпанија минатата година произведе 135.000 гигават-часови електрична енергија, што претставува 50,4 отсто од вкупното производство на електрична енергија во земјата.