Унгарија, Србија и Словенија би можеле да започнат со работа на регионалната берза за електрична енергија во првата половина на оваа година.
Ова го изјави унгарскиот министер за надворешни работи и трговија Петер Сијарто.
Тој посочи дека одлуките за берзата се веќе донесени на експертско и корпоративно ниво и оти сега е потребно само одобрение од владата, пренесе агенцијата МТИ.
Сијарто посочи дека соработката меѓу европските земји во областа на енергетиката заради безбедно снабдување никогаш не била поважна.