Германија треба да ја поврзе старосната граница за пензионирање со очекуваниот животен век, како што веќе одлучија Холандија, Шведска и Финска.
Ова го изјави Јоаким Рагниќ, експерт на економскиот институт за пензии Ифо.
На пример, кога очекуваниот животен век во Холандија се зголемува за три години, луѓето се пензионираат две години подоцна.
Како резултат на тоа, соодносот на пензионерите со оние на работоспособна возраст останува на 40 отсто, наместо да се приближи до границата од половина половина, констатирале истражувачите од дрезденскиот огранок на Ifo.
Доколку, дополнително, зголемувањето на пензиите се поврзе со стапката на инфлација, наместо со платите, темпото на раст на државните расходи за пензиите ќе се забави, продолжува извештајот.
Во Германија, 65-годишниците со добро здравје можат да очекуваат просечно 10-11 години пензионирање. Според холандскиот модел, границата за пензионирање постепено ќе се движи кон 69 години.
Во деценијата на 90-тите, во Германија имало 20 пензионери на секои 100 работоспособни луѓе. На крајот на оваа деценија соодносот ќе биде 40 на 100, а во средината на 2060-тите ќе има 45 пензионери на секои 100 работоспособни луѓе.
Според тоа, постоечкиот пензиски систем се движи кон сè посилно оптоварување на работоспособното население за финансирање на пензиите.