ТОКИО – Јапонскиот производител на автомобили Тојота денеска на својата веб-страница објави дека го сменила раководството на својата филијала Даихатсу, по скандалот со безбедносна контрола.
Претседателот на Даихатсу, претседателот на одборот на директори и директорот на таа компанија поднесоа оставки, а одлуката ќе стапи на сила од 1 март.
„Би сакале повторно да им се извиниме на клиентите, добавувачите, дилерите, заедниците каде што се наоѓаат нашите фабрики и многу други засегнати страни за непријатностите“, се вели на веб-страницата на Тојота.