Германската централна банка денеска објави дека бројот на лажни банкноти повлечени од оптек во 2023 година се зголемил за 28,2 отсто во однос на 2022 година и изнесува 56.000.
Вкупната штета од употреба на фалсификати изнесува околу 5,1 милион евра.
Бундесбанката забележува дека во исто време најголема штета е причинета на банкнотите од 200 и 500 евра, преку продажба на накит, златни прачки, часовници и автомобили, пренесува Хина.
Банкнотата од 50 евра сè уште е најпопуларна меѓу шверцерите, а дури 38 отсто од сите запленети фалсификувани банкноти се банкноти од 50 евра, потоа следат апоени од 20 евра, а меѓу најчесто фалсификуваните монети се монетите од 2 евра.
„И покрај зголемениот број на конфискувани банкноти, фалсификувањето пари се уште е на ниско ниво“, објави Бундесбанката.
Според податоците на Европската централна банка (ЕЦБ), во 2023 година биле откриени 467.000 фалсификувани банкноти на евра, што е за 24 отсто повеќе од 2022 година.