Еве кој ќе може да добие пасош: Германската влада го одобри законот за двојно државјанство

Германската министерка за внатрешни работи Ненси Фесер на прес-конференција рече дека предложениот закон ќе го поедностави процесот на натурализација и ќе овозможи двојно или повеќекратно државјанство за имигрантите.

Воведуваме модерен закон за имиграција кој подобро ќе и служи на нашата модерна и разновидна земја. Новиот закон за државјанство е една од најважните реформи на нашата коалициска влада. Многу ми е драго што сега го спроведуваме – рече таа.

Според предложениот закон, имигрантите ќе имаат право на германско државјанство по пет години престој во земјата, наместо претходните осум години.

За странците кои покажале исклучителни академски или професионални достигнувања и добро го зборуваат јазикот, овој период ќе се намали на три години.

Законот ќе им овозможи на имигрантите да имаат двојно или повеќекратно државјанство, што во моментов не е можно за повеќето од нив.

Децата на странски родители родени во Германија ќе можат да добијат германско државјанство доколку барем еден родител легално живеел во земјата најмалку пет години. Овие деца ќе можат да го задржат и државјанството на нивните родители.

Во моментов, повеќе од 12 милиони луѓе во Германија, околу 14 отсто од вкупното население, немаат германско државјанство. Според официјалните податоци, околу 5,3 милиони од нив живеат во земјава најмалку 10 години.

Реформата на законот за германско државјанство беше централен дел од коалицискиот договор, кога социјалдемократите, зелените и либералните Слободни демократи формираа коалициска влада пред две години.

Канцеларот Олаф Шолц постојано изјави дека забрзувањето на процесот на натурализација, овозможувајќи повеќекратно државјанство за имигрантите, ќе ја подобри интеграцијата, социјалното и политичкото учество.

Предложениот закон треба да биде одобрен од парламентот, а се очекува да се расправа во Бундестагот по летната пауза.

Можеби ќе ве интересира...

Светски берзи: NVIDIA ја потврди титулата најважна компанија во светот

BiznisPRO

Ако планиравте да купите нов автомобил сега, размислете два пати: Сега има чипови, а купувачи нема: Почна намалувањето на цените на новите автомобили

BiznisPRO

По 140 години – се затвора една пекара

BiznisPRO