Истанбул беше најпосетуваниот град во светот во 2023 година.
Компанијата за истражување на пазарот Euromonitor International објави дека минатата година овој турски град го посетиле 20,2 милиони луѓе. Овој број се предвидува да се зголеми во 2024 година.
– Истанбул е магнет за туристите, особено за Британците, благодарение на неговата богата култура и историја што го прави уникатно фасцинантен – изјави Ли Добсон, основач на туристичката страница Travel City.
Тој додаде дека Истанбул има неверојатна култура и деликатеси.
Лондон го зазеде второто место на листата на најпосетувани дестинации во 2023 година со 18,8 милиони посетители. Дубаи е на трето место со 16,8 милиони посетители.
Потоа следат: Анталија, Париз, Хонг Конг, Бангкок, Њујорк, Канкун и Мека.