Невработеноста во Италија падна на 7,2 отсто во декември од 7,4 отсто во ноември и сега е најниска во последните 16 години.
Ова денеска го соопшти италијанскиот национален институт за статистика Istat.
Бројот на невработени месечно се намали за 50.000 на приближно 1.829 милиони, а бројот на вработени лица се зголеми за 14.000 на приближно 23,754 милиони, според веб-страницата на Istat.
Невработеноста кај младите на возраст меѓу 15 и 24 години во декември се намали за 0,4 отсто на 20,1 отсто и сега е на најниско ниво од јули 2007 година.
Стапката на вработеност во Италија во декември била 61,9 отсто.
Истат во посебно соопштение наведува и дека италијанската економија пораснала за 0,2 отсто во четвртиот квартал од 2023 година во однос на претходниот квартал.