Годишната стапка на инфлација во Германија падна на 3,8 отсто во октомври од 4,5 отсто во септември, според претходната прелиминарна проценка.
Ова го соопшти германската федерална статистичка служба Дестатис.
Според веб-страницата на таа организација од Визбаден, цените на храната во Германија се зголемиле за 6,1 отсто на годишно ниво во октомври, со најбавно темпо од февруари 2022 година, додека цените на енергијата паднале за прв пат по речиси три години – за 3,2 отсто. во споредба со октомври 2022 година.
Годишната стапка на базичната инфлација исто така падна во октомври на 4,3 отсто од септемвриските 4,6 отсто и сега е најниска од август 2022 година.
На месечна основа, цените во октомври не бележат промена во однос на септември.