Обемот на продажбата на мало во еврозоната во декември падна за 1,1 отсто.
Ова претставува најголем пад на продажбата на мало од месец на месец во 2023 година, објави денеска Евростат на својата веб-страница.
Трговијата на мало со храна, пијалаци и тутун падна трет пат по ред на месечно ниво, овој пат за 1,6 отсто, а на мало со непрехранбени производи за 1 отсто.
Онлајн трговијата падна за 3,7 отсто месечно, што е најголем пад од јули 2021 година.
На годишна основа, продажбата на мало во еврозоната падна 15-ти месец по ред, овој пат за 0,8 отсто.
Најголем пад на малопродажбата во Европската унија на годишно ниво е забележан во Словенија, за 15 отсто, Естонија за 4,2 отсто, Словачка за 3,8 отсто, додека најголем раст е забележан во Хрватска од 8,9 отсто, на Кипар за 3,8 отсто. проценти и во Шпанија за 3,4 проценти.