Економскиот пад во еврозоната се продлабочи на почетокот на четвртиот квартал, објави вчера „Market Economics“.
Се наведува дека, според прелиминарната проценка, композитниот индекс на менаџери за набавка (PMI) во еврозоната паднал на 46,5 поени во октомври од 47,2 поени во септември.
PMI е параметар кој се користи како показател за економската активност, а резултатот под 50 укажува дека економијата е во состојба на контракција, односно пад на економската активност.
Во еврозоната е забележан петти последователен месец на контракција. Како што е наведено на веб-страницата на глобалната компанија S&P, PMI во услужниот сектор падна на 47,8 поени во октомври од 48,7 поени во септември, додека PMI во преработувачката индустрија падна на 43,0 поени во однос на септемвриските 43,4 поени.
„Ситуацијата во еврозоната се влошува. Производството е намалено 16 месеци по ред, услугите три месеци по ред. Се на се, ова укажува на уште еден слаб квартал“, рече главниот економист на трговската банка во Хамбург, Сајрус де ла Рубија. . Тој изјави дека нема да биде изненаден доколку еврозоната биде во блага рецесија во втората половина од годината по два последователни квартали со негативен раст.