Годишната стапка на инфлација во Швајцарија падна на 1,3 отсто во јануари од 1,7 отсто во декември и сега е најниска од октомври 2021 година.
Ова денеска го објави швајцарскиот сојузен завод за статистика BFS на својата веб-страница.
Цените на станбените и комуналните услуги во Швајцарија се зголемија за 2,5 отсто на годишно ниво, забавувајќи се од декемвриските 3,3 отсто.
Храната и безалкохолните пијалаци поскапеа за 2,3 отсто, што е помалку од декември кога цените во оваа категорија поскапеа за 3,3 отсто.
Годишната стапка на базичната инфлација во Швајцарија исто така падна во јануари, на 1,2 отсто од декемвриските 1,5 отсто.
На месечно ниво, инфлацијата во Швајцарија се зголеми за 0,2 отсто.